♠♠♠ اتيكيت الرد على التليفون ♠♠♠

♠♠♠ اتيكيت الرد على التليفون ♠♠♠
بصراحه اللى شجعنى وخلانى اعمل الموضوع دا الناس اللى بشوفها
لما يتصل بيها رقم غريب تفضل تحكى معاه بالدقايق وتضحك وتهزر ويطلع فى الاخر رقم غلط
طيب يابنت الحلال انتى ما تقوليله من الاول الرقم غلط بدل ما تحكى معاه
لا ولما يتصل بيها تانى تقوله ما تتصلش هنا تانى
طيب ما حضرتك اللى ادتيله الفرصه وشجعتيه من الاول وما صدتهوش

هقسم الموضوع لنقاط

اول نقطه :


وهى ان اول حاجه التليفون يكون بعيد عن الاطفال بحيث انهم مش هما اللى يردوا على التليفون
لان ممكن وبسهوله جدا المتصل يعرف بيانات عن اصحاب البيت من خلال الاطفال


تانى نقطه

اولا ما هنبدأ الكلام هنبدأ بتحيه الاسلام مش الو لان الو دى مش من الاسلام
ولكن هبدأ كلامى ب السلام عليكم ورحمة الله وبركاته

تالت نقطه

هقول مين معايا حضرتك مين

لو حد اعرفه طبعا هتكلم معاه عادى واسلم عليه وابادله الحوار
لكن لو حد انا معرفهوش وطالب رقم غلط
هقوله مين حضرتك هيقول انا فلان الفلانى
طيب حضرتك عايز هيقولك الشخص اللى عايزه
هتقولى لا الرقم غلط

وتنهى الكلام وتقفلى على طول ما تزوديش اى كلمه تانيه
قولنا علشان ما يتجرأش عليكى

لو هو انسان محترم وفعلا كان طالب رقم وطلع غلط مش هيتصل تانى
لكن لو انسان بقى قاصد وبيعاكس هتلاقيه بيرن تانى
دا بقى ما ترديش عليه لانه هيطفشك

الناحيه التانيه بقى لو انتى اللى متصله


هتتأكدى ان الرقم صح

وهنبدأ بردو بتحيه الاسلام

ولو رد علينا حد غير الشخص اللى عايزينه مثلا صحبتك والدتها هى اللى ردت عليكى او والدتها او حد من اخواتها

هقول السلام عليكم حضرتك اخبارك ايه
ممكن اكلم فلانه

لو فاضيه هتكلمك لو مشغوله هيقولولك مشغوله او مش موجوده او نايمه

تقولى خلاص هبقى اتصل فى وقت تانى وياريت حضرتك تبقى تقولها انى اتصلت بيها


ولو هى اللى ردت عليكى هتتكلمى معاها عادى


لو رقم غلط بقى هتتأسفى وتقولى انا ما كنتش اقصد


وفى حاجه مهمه اوى


ياريت لو صحبتك او قريبتك او اى حد هو اللى اتصل بيكى اوعى انتى اللى تقوليلها سلام او تنهى المكالمه

من الاتيكيت والزوق ان اللى متصل هو اللى ينهى المكالمه

ولو اللى انتى بتكلميها وحسيتى ان حواليها دوشه ومش مشغوله يبقى اقفلى معاها لانها هتكون محرجه ما تقولك عايزه اقفل

وكمان ياريت لو هتتصلى بحد مريض ما تقعديش تحكى كتير معاه لان اكيد هيكون تعبان ومش قادر يتكلم

وكمان ياريت ما تكلميش حد وقت الناس بتكون راجعه فيه من الشغل ومريحه نايمه يعنى ما بين العصر والمغرب

او حتى بليل بعد الساعه 12 والوقت متأخر لان ممكن يكونو نامو

واللى عندها اطفال صغيرين لسه بلاش بردو نتصل بيهم كتير لانهم بيكونو ما صدقو ينيمو ولادهم وهما كمان يريحو

ولو كلمتى حد وحسيتى ان صوته تعبان او كان نايم ياريت بلاش نتقل عليهم ونفضل نرغى معاهم
او اننا نرن على صحبتنا بتاع 11 مره


هما مرتين بالكتير مش اكتر من كدا

لان يمكن معاها ظروف مش هتقدر ترد او نايمه او تعبانه يبقى بلاش نتعب الناس معانا
وفى نهايه المكامله خليها عاده تنهيها بذكر الله
لااله الا الله
محمد رسول الله